Baka selama tahun beganti, hari ke di anti raban bansa kitai dayak kelebih agi kitai iban pan nyau deka datai nyenguk. Gawai Dayak nya meh endur kitai ke lama udah ninggalka menua ulih begulai duduk begelumu enggau diri sebilik tauka bala di rumah Panjai. Sama-sama meh kitai ngena peluang tu berandau sereta bekunsika 'pengalaman' ti ke udah di pansa sepemanjai tahun. Ngichaka penemu nya ulih meri runding sereta penemu baru ngagai bala raban bansa kitai. Aram meh kitai bansa dayak kelebih agi kitai iban bekempit, bekait, sama mantu iya ke suntuk & begulai sejalai ngambika bansa kitai enda dikemaruh ke bansa bukai. Iya ke diatu kitai mesti entudi entali pengawa pemesai kitai bansa iban ke benung enggau kering hati deka ngangkat ke pendiau enggau ekonomi bilik kitai. Arap ke tahun 2014 tu nyadika tahun transformasi bansa kitai iban nuju tahun 2020. SELAMAT HARI GAWAI.
