Profile Aku

Ba Bank Muamalat (M) Bhd

Pendiau enggau penatai aku ari menua tauka Tembawai Pelalau, di kelilih menua Debak ba tebing ai Batang Rimbas. Kelia menya menua tu endur aki ini kami berimba sereta bumai. Berserimbai enggau menua Lubok Tamang ti endur deka diaduka ladang sawit enda lama agi.

Diatu aku enggau kami sebilik ngetap ke diri ba Rumah Panjai Sengalang Debak, ia ke betuaika Tuai Rumah Edmund Guting. Kami enda enggau orang nampung ba rumah panjai Sengalang laban lebuh maya kami ke pindah kia menya tanah rumah panjai enda chukup endur kami ngentakka rumah (nadai lot agi). Kami lalu ngentak kerumah ba penungga ke betungga enggau rumah Panjai Sengalang (agi kandang rumah panjai mega).

Datai ba maya aku ke besekula, aku disekulaka apai aku ba SRK Datuk Bandar Debak ari taun 1975-1980. Tembu belajar dia aku nampung pelajar aku ngagai SMK Saribas Debak ari taun 1981-1983 ianya ari Form 1 ngagai Form 3. Udahnya aku nampung pelajar aku ngagai Form 4-Form 5 ari taun 1984-1985 di SMK (Bahasa Malaysia) Saratok ba 'aliran' Sains.Lepas SPM aku di 'offer' belajar ba Matrikulasi Universiti Kebangsaan Malaysia ba Kolej Tun Abang Hj Abdillah Petra Jaya Kuching ari taun 1986-1987. Sepemanjai aku belajar ba Kolej kami nadai bisi ulih belajar enggau tentu tuku laban utai tauka 'reference'kena belajar nadai entap. Laban pemandai ti enda chukup, aku enda mujur enggau mayuh bala bukai nempuh arus pelajar kami maya nya ngujungka aku enda mujur dalam peresa.

Nikah ba Sg Isu Krian Saratok

Sepengudah aku ka enda mujur nampung pelajar aku ngagai peringkat ti lebih tinggi aku lalu berunding enggau orang ngiga pengawa ke nengeri Kuching (Bandaraya Kuching). Keterubah aku masuk dunya nyadi orang ti gawa, aku gawa ba kompeni 'distributor' pinggai mangkok, ianya Hanamay Enterprise di Padungan kemaya nya menya ba taun 1987. Tang laban ti nadai kala lalu enda nemu kuing pengawa nyadi salesman, aku semina ulih betan' gawa dia 2 minggu aja. Enda tulih ka komisyen enggau orang. Aku lalu badu ba kompeni nya lalu enggau bala kaban gawa jadi kuli enggau orang kerja tukang kayu enggau pengawa bukai lebuh orang ti nirika Hotel Hilton kelia menya. Dia meh aku enggau orang belabuh ngasaika pengawa makai gaji.

Aku bekerja ba Hotel Aurora Kuching (nadai agi lalu endur nya alai orang nirika Merdeka Palace Hotel Suites, Kuching ka diatu) ari taun 1988-1990. Ba hotel tu meh aku ngiga penemu kena aku neruska pengidup ngicaka ulih ngiga pengawa ti manah agi dudi ari. Aku amat beterimakasihka En. Ghazali bin Abdullah @ Jungan Luke Antas ti udah nunjukka aku lalu meri peluang aku bekerja ba siti ari syarikat kewangan ti chukup tebilang dalam taun 1991.

Zety Unge

Aku bekerja ba BBMB Kewangan Bhd, Kuching ianya anak syarikat Bank Bumiputra Malaysia Bhd berengkah ari 1/5/1991 lalu ditu meh aku belajar penemu tauka ngambuh penemu pasal meri loan kereta enggau penemu 'kewangan' bukai. Tang laban krisis penatai belanja (kewangan) dalam taun 1997, kerajaan Malaysia ngasuh semua syarikat kewangan betampil ngambika kering agi lalu ulih bepekit ba dunya global tu. Dalam taun 1999 bulan October, BBMB Kewangan Bhd lalu diasuh betampil enggau 2 buah syarikat kewangan bukai ianya Sothern Bank Bhd & Bank Of Commerce kemaya nya suba lalu numbuhka CIMB Bank Bhd & Bank Muamalat Malaysia Berhad.

Aku lalu diambi bekerja ba Bank Muamalat Malaysia Berhad berengkah ari 1/10/1999 nyentuk ke diatu. Diatu aku mangku pengawa jadi 'Consumer Sales Executive'.

Alex

Maximus

Aku berumahtangga tauka enggau orang masuk Club Melaki Bini dalam taun 07/07/1999. Orang ti dipilih aku jadika 'Manager' rumah ia ti nyadika sulu lebuh aku tusah, nyadika tukang masak, nyadika indai ke anak aku sereta nyadika sulu setubuh aku, Catherine anak Edward Ngadan ari Sg Isu Krian Saratok. Kami duai bisi 3 (tiga) iku anak Zety Unge (12 tahun), Alex (11 tahun) & Maximus (6 tahun). Aku ngentap ke pendiau diri ba genturung pendiau Matang Jaya.

Dalam taun 2002 aku nampung pelajar aku ba Open University Malaysia (OUM)di Batu 10 Cawangan Sarawak ba jurusan Bachelor In Infomation Technology and Management, belajar part time. Aku grade dalam tahun 2008.

Pengerindu enggau orang nengkebang blog sigi udah lama deka digaga aku ngambika tau endur kitai bekunsi ke berita kemaya baik ke dalam bidang bussiness tauka berita pemansang dunya kemaya. Tang ke diatu aku agi belajar tauka nguji enggau peneka ulih nganataika berita ti tau ngasuh kitai bansa ulih sejalai sereta maju baka bansa bukai. Enti semaka utai ke dibantaika aku ba blog aku tu bisi ngasuh kita nyida tauka enda lantang ati aku minta ampun ari punjung pala ngagai ujung tunjuk.