Selamat Hari Malaysia

Gambar Pengias

Meri selamat hari Malaysia ngagai semua rakyat Sarawak, Sabah & Tanah Malaya. Arapka penyarakup mengkang tegap sereta kering ba kitai ke nguan menua Malaysia. Tajapan mayuh macham peyerekang enggau penemu ke enda tentu ulih dikamatka ke udah di bantai parti politik di menua kitai, arapka nya enda nekul pemansang ke rebak dudi hari ila. Buai meh hati ti kepapaska bansa diri mansang lalu tanamka hati ke sama-sama bebai ngemanah sereta mansang ke mua. Maju iban mansang Dayak sereta semua bansa di Sarawak & Malaysia. SELAMAT HARI MALAYSIA

Dunya Kemaya ari Tengau Kelita Nemukita

Gambar pengias Pemakai di Kedai Cina

Kitai selalu ninga mensia mayuh berandau ke pasal nurun niki mata duit ringgit, rega minyak, isu GST, 1MDB, isu politik, enggau rega barang makai ke majak niki ari sari ke sari. Ditu aku deka ngenang lalu mai kitai rayat di Sarawak ditu berundingka kuasa ke bisi ba kitai ti tau kena kitai mesak rega barang makai enda kelalu balat niki.

Bala pakar ekonomi selalu nyebut utai ke dikumbai "Demand" enggau "Supply". Dalam pengidup kitai besari-sari kitai enda ulih lari ari meli pemakai tauka utai ke di empa ari pasar kedai cina. Reti nya utai ke diguna kitai ia ke enda tau enda besari-sari "Keperluan Asas/basic needs". Ketegal peminta ti tinggi tang sida ke ngeluarka utai ti kedeka kitainya kurang ngasuh rega utai nya mar.

Kitai bansa bisi tanah ke endur tau alai kitai betanam sereta betupi ke jelu, ulih ngetanka rega pemakai ari terus di tiki ke peneka ati ulih sida ke bejual.

Mayuh jaku ke semuba didinga ba arus internet tauka 'social network' diatu ngasut kitai ngasuh nganu sida ke merintah menua, kelebih agi sida pati politik ngaduka chara nagang sida ke bejual barang ari nyual rega ti mar sereta nekan rayat. Utai tu utai ke mar di adu enti kitai rayat mayuh enda ngambi bagi enggau perintah menua nagang ia ari terus ngelakai lalu nyadi ke penyakit ekonomi ba kitai ke rayat.

Nama kebuah pia enti rega utai bedau ba takat ke menya, kati ko sida ke betanam betupi deka ngelaku sereta nyual hasil sida ia? Ditu meh perintah menua tau ngambi bagi ngaga atur ba takat ni pemayuh untung ke tau di adu tauka anang ngena orang ketiga masar hasil sida tu. Ari nya tadi bala rayat ulih meli ba rega ke patut ba tiap iku sida tu.

Nya tadi ba rega utai tanam enggau tupi ke dikeluarka menua kitai empu. Bah kati ko ia di datai tauka di import ari menua luar? Ditu baru kitai ngenang mata duit ringgit kitai ke udah jauh nurun enti dibandingka enggau mata duit US. Ba maya aku ke nulis tu US1 lebih kurang RM4.17 duit kitai. Enda semua utai pakai ke diguna kitai begunaka stok ari luar. Ditu kitai ulih bejimat tauka ke nyeliah ari meli utai ke ari menua luar.

Utai ke balat di asaika kitai diatu lebuh kitai ke ngirup ba kedai kopi (Cafe) regi ai segelas rata-rata RM1.80. Bah kat ko nya enda berasai mar ba kita? Ba aku mar tu. Ditu meh kitai mayuh, rayat ulih ngena kuasa kitai ngambika rega utai tu enda terus niki. Minyak pan udah nurun rega tang utai irup sereta pakai kitai ba kedai kopi enda nemu nurun-nurun. Deka madah kopi, gula, tusu, milo enggau macham ai bukai ke di irup kitai nya ukai di beli ari menua luar. Nama kebuah ia terus niki?

Kena meh kuasa kitai ke nyadi "Pengguna" ngurangka bebelanja ba kedai kopi. Enti sida ngasaika orang majak kurang ngirup ba kedai ia, nya baru sida nemu lalu sigi deka nurun ke rega utai ke dijual ngagai orang mayuh. Indah ke dua tiga bulan ia kurang penguntung pan tau ngemediska sida mayar sewa enggau pekerja sida.

Perundingka meh ngambika ke rega utai enda terus mejal kitai mayuh. Agi mayuh utai bukai ke deka beguna belanja sereta duit besari-sari.

Meransang Iban belandik ke JAKU IBAN

Kitai iban anang enda meransang diri bejaku ngena leka jaku kitai empu dalam semua pengawa ke dikereja kitai ninting hari.

Kelebih agi diatu baka ke selalu didinga kitai nengah radio, ari ke bepuluh- puluh chanel semina siti WAI FM 101.30 ke endang 99.99% jaku kitai iban lalu siti ianya CATs FM semina 40%. Arinya tadi kitai betatika kati ke chara kitai tau ngasuh jaku iban tu nyadi ke pilih tauka selalu didinga raban bansa kitai iban empu. Enti deka beperindang ningaka lagu ke rentak kemaya hari tu, ke dikerinduka bala nembiak , jangka aku mayuh agi ke deka masang tauka mendingka chanel program English enggau Bahasa Melayu ari ke ninga program dalam jaku kitai iban. Ukai aku nyalahka kitai iban ke deka ninga tauka meding ke program dalam jaku bansa bukai, laban nya hak siku-siku.  Tang aku meransang kitai ngena medium tu kena kitai negap sereta ngetanka jaku iban ngambika enda abis di bai arus pemasang jaku ke endang udah tegap baka bahasa English, Melayu, Cina enggau Tamil ba menua kitai di Malaysia tu.

Gambar Pengias

Baka ke dibacha aku ari surat khabar, munyika ku jaku Sapit Kepala Menteri Datuk Patinggi Tan Sri Alfred Jabu ba pengawa nutup Kus Jaku Iban ke diatur sepemanjai enam minggu sereta dikemujurka bala raban pengajar ari 30 bengkah sekula primari enggau sekondari di nengeri tu bedau lama ti udah, enggau chara nya jaku Iban ulih angkat mansang baka jaku Mandrin enggau Tamil.

“Nengah chara tu kitai ulih ngenanka jaku Iban ari ke lenyau ngapa enda diguna baka sekeda jaku bansa bukai ke nadai agi diguna kelebih agi ba bala nembiak rebak baru diatu,” ku Jabu.

“Jaku Iban deka lenyau enti kita enda berani nguna tauka malu bejaku ngena jaku diri empu. Tambah mega, raban bansa Iban ke diau di nengeri tu tau lenyau adat ke dikembuan kenyau ari aki ini kitai kelia. Nya alai, aku meransang kitai ke bansa Dayak anang malu nguna jaku bansa diri empu laban jaku Iban chukup mayuh guna ngagai kitai Dayak,” ku Jabu.

Jabu mega meransang raban bansa Iban ke ngembuan pelajar tinggi sama beserakup ngangkat sereta ngemansangka jaku Iban awakka ulih mansang baka jaku bansa bukai lalu diguna ba tikas ke lebih tinggi.

“Taja pia, kitai patut ngubah runding enggau chara bepikir ba kitai Dayak kelebih agi bala nembiak kemaya hari tu.

“Kitai patut meri sukung ke chukup badas ngagai raban nembiak sereta ngelalau ngena jaku ajar minta sida belajarka jaku Iban nyentuk ngagai tikas ke pemadu tinggi,” ku iya.

Iya mega madahka bala raban pengajar patut diberi kus dikena sida nambahka pengelandik sereta ngemansangka jaku Iban ke diajar sida ba sekula.

Jaku Iban ukai semina dipelajarka ba sekula primari enggau sekondari aja, tang mega patut dipelajar sampai ngagai tikas ke lebih tinggi baka palan pematih pengajar tauka universiti.

“Mayuh bengkah chara dikena ngemansangka jaku Iban. Seiti ari chara ke mujur ulih meri pemansang iya nya ngaga mayuh pansik bekaul enggau jaku Iban.

Gambar Pengias 

“Bala Raban Gerempung Ukai Perintah (NGO) mega patut nunjukka sukung sida dikena ngemansangka jaku Iban sampai ngagai tikas ke pemadu tinggi,” ku Jabu lebuh dirandau raban pemberita.

Tu meh sekeda ari utai ke dipadahka ia nitih ke bisi dipandangka ba surat khabar Utusan Borneo 13/09/2014 lebuh nya kemari.

Aku amat temegah hati meda pemansang enggau pengeran hati tuai-tuai  kitai iban ngemasai ke jaku kitai iban. Kitai diatu udah bisi siti “dictionary” jaku iban ke benama Bup Sereba Reti Jaku Iban ke ditengkebang Tun Jugah Foundation.

Nambahka nya jaku kitai iban kelebih agi pengawa lama kitai udah di tengkebang  ‘The Dayak Cultural Foundation’ enggau ‘Tun Jugah Foundation’ ngena chara digital kelebih agi ia ke bisi disimpan Radio Sarawak. Ngena chara tu bala generasi baru kitai iban lebih mudah belajar ke jaku diri nengah arus pemansang dunya pemadah.Tu meh utai ti manah sereta endang siti pengawa ke patut digaga kitai ngambika jaku kitai iban terus dikelala semua bansa di Malaysia lalu mega di sarata dunya.

Anang malu kitai bejaku ngena jaku iban ba pasar Bandaraya Kuching, Bandaraya Miri, Bandaraya Kuala Lumpur, Singapore, London, Frankfurt Germany enggau semua bandaraya di dunya tu. 

SELAMAT HARI MALAYSIA KE 51

Meri Selamat Hari Malaysia ke 51 taun Sarawak udah sama enggau numbuhka serakup Malaysia. Ngarapka semua kitai di Sarawak enggau Sabah udah maju sereta nyulut dalam semua pengawa sebaka enggau bala kaban kitai ari Semananjung Malaysia (Malaya) ia ke di uan 3 raban bansa etnik Melayu, Cina, & India.
Taja pia enti kitai berati lalu ngasaika ba menua enggau rumah panjai diri sereta  berunding ba dalam ati, katika kitai tu amat udah sebaka enggau sida di seberai din ke enda? Jangka aku mudah aja kita nyaut aku, tentu ba peragam aku kita nyaut agi jauh.
Kitai di Sarawak kediatu agi apin betul-betul ngasaika buah merdeka ke diperimba bala tuai-tuai kitai iban 51 tahun ke udah. Pemisi asas baka api, ai, jalai enggau dunya pemadah enda semua genturung pendiau di menua kitai udah ensepi tauka diberi. Ba bagi orang ke megai pengawa ba perintah besai (persekutuan) sereta ba negeri kitai di Sarawak ditu pan nyau ulih di hitung enggau jari raban kitai iban & dayak bukai ke megai pengawa ke besai-besai.Pemansang pelajar raban kitai iban pan jauh tinggal enti bebanding enggau raban bansa bukai. Kebuah laban ekonomi tauka hasil ruang bilik kitai jauh agi kurang. Orang selalu nyemanaka bansa kitai iban tu mayuh pengeraja asal baka tanah. Tang sida ia enda ingat tauka sigi nemu lalu ngambi peluang tu kena ngurangka pemeri tulung ari segi duit ringgit ngagai raban bansa kitai dayak kelebih agi kitai iban.

Bala kitai iban mesti ngingatka sama diri penekul enggau pengurangkadiasai kitai lebuhka deka sama ngayuh perau merdeka tu. Kitai patut berakup sereta bekempit enggau sama bansa diri ngambika singkang kitai enda tersangkut lebuh ke deka belanda ngagai taun 2020. Ngena chara nya ila kitai ulih sama datai ba adan sebaka enggau bansa bukai di Malaysia raya tu. Ingat ke pengering hati kitai ke enggai alah ba semua pengawa ke dikerja kitai, baka aki ini kitai kelia ke sigi tampak rita kering sereta berani. 'Transform' pengering semengat nya ke pemansang diri enggau bansa kitai iban di Sarawak sereta Malaysia ke dikesayau ke kitai tu. SARAWAK FOR SARAWAKIAN, SARAWAKIAN FOR MALAYSIAN.

Hari Pengada Pemegai Menua

Sari tu 13/09/2014 semua rayat serata menua Sarawak ngerami pengawa ngingat ke official pengada ketuai pemegai menua Tun Pehin Sri Abdul Taib Mahmud ke terubah.

TYT Tun Pehin Sri Hj Abdul Taib Mahmud

Ba pengerami tu Tan Sri Datuk Amar Adenan Satem (Kepala Menteri Sarawak) dichirika gelar Datuk Patinggi kelimpahka bala menteri bukai enggau bala ke udah nyulut nyaguka nama Sarawak. Berita ke silik agi tau dipeda kita ba Borneo Post. Sekeda post ia munyi tu ba jaku ribai, "Tan Sri Datuk Amar Adenan Satem heads a list of 623 people conferred state awards in conjunction with the official birthday of the Head of State Tun Pehin Sri Abdul Taib Mahmud today."

Expedition to RENTAP FORT open to Adventures

Betong Resident Offices Tourism Task Force Committee will be organising a trail expedition to Panglima Rentap Fort in Bukit Sadok on Sept. 25 and 26.
  The expedition is organised in collaboration with Betong District Council's Madabe Club and Sri Aman Domestic Trade, Cooperative and Consumerism Ministry (KPDNKK).
  Expedition head Galong Luang highlighted yesterday (today at WAI FM 101.30) that this will be the second expedition for this year with the first expedition involving several departments and agencies including the heirs of Panglima Rentap and state Tourism  Ministry representatives.
  "The programme is part of the tourism calendar's  activities for Betong division that aims to revisit the history of legendry Iban warrior Panglima Rentap as well as the settlement areas where the struggles took place which has become a heritage that must be protected and preserved," he said.
  "In addition, the expedition also hopes to introduce Bukit Sadok as a historic tourist destination with unique flora and fauna to the public especially local communities surrounding Betong area." he added.

Kubur Niang Rentap

  The committee, Galong pointed out, has received feedback from local communities about the development of eco-tourism for Bukit Sadok in the future.
  "This is also another  reason for the expedition to be organised," he explained.
  "Meanwhile the expedition will also hold a symbolic celebration for the 160th anniversary of Panglima Rentap Fort which was build in Bukit Sadok in 1854.
  Galong, who is also the Betong division Deputy Residents, said that this expedition is now open for the public to join.
  "Any one interested to join the expedition can obtain the forms from the secretariat in the Betong Resident Office," he said. This info also repeated through radio WAI FM 101.3 iban so that the information will reach to all interested participant in the country.
  No fees will be charged but participation is limited to the first 150 participants who register only.
  "Participants must prepare transportation and be equipped with equipment for the expedition which will take 2 days and one night," he advised.
  However, Galong reminded that the organiser has the right to postpone or change the date of the expedition and participants cannot make any claim on any disaster (injuries, accident, loss or death) from organiser.
  "Those with health problems are not encouraged to take part in this expedition," he said.
  The closing date to submit entry forms is on or before Sept. 19.
  For more information, contact Galong at 019-4872255, Lister Clement (019-8822204) or Albert Dagang (013-8951636) and faxed to 083-472966.

This was extracted from The Borneo Post published on Saturday, September 6, 2014

  Aku amat teperansang hati lebuh ke macha berita tu ngambika sejarah bujang berani kitai Iban baka ke benama Rentap tu ulih terus di angkatka ngambika generasi baru nemu kati ke pemedis enggau penyamai ngulih ke utai ke diasaika sida ia saritu.
  Nambahka nya mega ngambi ke tempat endur Rentap tu ngetan kediri ngelaban Rajah Brooke kelia nyadi sida tanda sereta di jaga kitai ke genarasi baru ngambika enda abis lalu bisi ke kenang bala anak uchu kitai. Aram meh kitai sama-sama meda lalu berunding enggau bala pemesai perintah ke udah ditagaka ngambi bagi nyaga sejarah Rentap enggau endur tu Bukit Sadok. Awakka dudi hari ila ia tau narit hati temuai ari menua luar datai ngusung menua kitai di Betong Sarawak tu. Enggau nya penatai ekonomi ba menua tu ulih ditingkatka enti bisi raban ari menua luar selalu datai kitu.
  Anang enda ingat ke maya nya ba kalender kita ke bulan September tu. Maju Iban, maju Sarawak.

Pengerami Gawai 2014 - Rh Edmund Guting Sengalang Debak

Pengerami Gawai Dayak 2014 disambut enggau cukup rami di Rumah Edmund Guting Sengalang Debak bakaka udah tembu digaga kemaya tu kemari. Berengkah ari lemai 31/05/2014 nyambung sampai ke 2/6/2014. Aku deka bekunsi enggau kitai raban mayuh sekeda pengawa tauka rintai pengawa lebuh tu kemari. Jadi anti dulu..

Tuai Gawai Miring

 

Meri pengabang Ai pemuka jaku

Tuai Kayau ke sida pengereja pengawa  perintah & company