Raun ke Indon-Batang Mandai

Diatu pejalai raun ke Batang Mandai udah diperambuka kena ka;
Haribulan: 27 - 29 October 2017
Bayar: RM550 per pax
Transport: NGENA MOTO KEDIRI/TANGGUNG KE DIRI EMPU

Ngusung bala sapa ke berminat tau kontek Mr Embat Lala ba Lumor telepon binching tu, ianya
019-6666101

Raun ke Batang Mandai Indonesia (Kalimantan) enggau Cikgu Embat Lala

Trip ke Batang Mandai, Kalimantan Indonesia di perambuka sereta deka di adu kena 27-31 October 2017.  Nyadi gaya atur pejalai tauka destinasi ianya berengkah ari LUBOK ANTU ke BADAU ke LANJAK ke DANAU SENTARUM ke SUNGAI UTIK ke BATANG MANDAI  ke MELAPI ke BANUA TENGAH pulai baru BADAU ambis ba  LUBUK ANTU.
Enti kita bisi hati deka enggau trip tu tau nganjung mesej kita ngagai cikgu Embat ba no hp 019-8256022 ngambika ia ngemasuk ka kita ba whatsapp Raun ke Indon Btg Mandai.
Rengka ke patut di kemisi' enti deka enggau ianya bakaka dibaruh ditu:-
1. Mesti bisi passport ti agi bedau ambis timpuh/agi idup; enti udah mati idupka baru. Bayar ngidupka baru RM200.00 aja tang enti ngaga baru RM300.00,
2. Enti mai kereta kediri empu, anang endai mai geran kereta (green card) ti original, anang photostat. Enti agi bisi loan minta ari Bank ke endur ngaga loan,
3. Lesen kereta (Driving License) bagi kita ke deka mai kereta kediri,
4. Tukar mata duit ngagai Rupiah dulu nyangka nyema kita deka bebeli ka utai ke bai pulai ke menua,

Batu Belah Batu Betangkup

5. Ubat anang enda ingat enti nyema udah bisi di sangking penyakit nundaka pesan doktor, chunto ubat gout, ubat darah tinggi, jantung enggau ti ke bukai,
6. Mai gari (pakaian) ti chukup, kena mandi tauka kena ba perau. Mai towel/sabun-laban bisi diau ba rumah panjai, enggau
7. Mai tingki (IC)
Pasal kos (cost) tauka bayar kena trip tu agi nganti pemutus ari sida ka empu menua ngelangurka penyampau belanja ke dikena kin. Enti penyampau udah engkeman nya baru kami madah ditu.
Arapka bansa raban kitai iban ke rindu tauka lama udah ngelanggur deka nemuai ngagai Batang Mandai idup, ambi meh peluang tu kena kitai sama-sama neresa sereta meda pemanah rampa menua ke agi bedau di keruga dunya pemansang.
KITA TAU NILIK BA YOUTUBE DI ATAS DIA PEMANAH RAMPA MENUA ENGGAU SAMBUT ORANG KA EMPU MENUA LEBUH PENATAI RABAN KITAI ARI SARAWAK NGELAWA MENUA DI KALIMANTAN. KITA TAU NILIK SEMUA LINK VIDEO KA BISI NGAYAN KE PEMANAH RAMPA MENUA BATANG KEPUAS ENGGAU ENDUR BUKAI MEGA. ANANG ENDA INGAT KLIK VIDEO DIATAS.

Andau Titi Rawan ba Bukit Semujan

Pejalai ngena perau nengah Batang Mandai 

Skeda gaya ai Sungai Batang Mandai Idup

Rumah Panjai Sg. Utik

Gelegar pan ngena kayu tebelian ba ruai tu

Cikgu Embat Lala bayam pemanah dumbak

Semua gambar tu di kunsi ka aku ari tengau lensa kemera Cikgu Embat lebuh ke bejalai meda Batang Mandai. Tu meh sekeda endur ka deka di tengah ba trip tu ila.

Gawai Nyi Semak

Endang ka bakaa kitai lebuh maya tengah tahun ianya 1 June bulan ribai tauka bulan enam kitai iban, nya meh maya pengerami gawai ka alai bansa kitai dayak ngambi peluang betemu sereta berami enggau pangan diri.

Penganan Jala (Gambar Pengias Aja)

Lebuh pengawa ke berami enggau pangan diri kitai sigi beambi peluang nangkap gambar tauka moments  ngambika bisi nyadika pengigat maya ke begulai enggau pangan diri serumah tauka diri sebilik. Tambah mega enggau pemansang dunya teknologi pemadah ke nyau udah semak rumah panjai kitai di ulu ai. Dini endur kitai diau pan kitai ulih bekunsi enggau pangan diri takala nya pengerindu sereta gaya pengawa ke nyadi ngagai pangan ti jauh.
    Nya alai ketegal nya tadi kitai mega anang enda nemu milih telco ka tau meri penguntung ke mayuh agi sereta tau ngurangka belanja kena bebelika data. Laban enti kitai mayuh bekunsi ka gambar dia ia begunaka data plan ti besai. Ti enda pia utaika deka dianjung tauka dikunsi tua pan lubah datai sereta di terima. Nya alai aku ngena peluang tu mega ngasuh kita nilik plan ke dibai telco tu ngambika kitai sama-sama ulih bejimat ka belanja maya gawai tu ba senetang ngena telekomunikasi. Enti kita milih telco ke udah cukup tebilang pakej data plan sida ia nyangka bisi mar agi sereta tau jadi beban belanja ba kitai. Laban aku nemu mayuh ari antara kitai loyal ke telco nya ngasaika nombor nya udah sebati ba kitai sereta udah di temu bala kaban belayan. Taja pan tua nemu kos tua ngena ia udah majak mar. Nya alai kaban semua ditu aku deka bekunsi enggau kita siti telco ke tau dipilih kitai ianya telco ONEXOX.
TELCO TU KITA TAU NGENA LUMUR ASAL (kekalkan nombor lama). Anang irau ka pasal lumur kita nya enda ulih dikena agi.

ONEXOX TELCO

Mayuh penguntung bukai mega kelimpah ari kita ka tau ngetan lumor ka udah bisi di kembuan kita diatu. Nadai salah nguji laban ba gambar nya kita tau meda kati rega simkad ia mega.
Kita tau klik ba link dia enti deka nguji ngena line tu tauka kita tau betelepon ngagai aku.
Arapka ka Gawai taun tu kitai sama-sama bekunsi ke moments enggau pangan diri ngena chara ti jampat sereta kos ti murah.

Bejalai Ngeregau Menua - Lance Court Pasir Panjai

Betemu baru kitai ba dunya nadai sempadan nengah sauh komunikasi & teknologi. Kenang pejalai kami sebilik ngusung menua Pasir Panjai iyanya Lance Court, D'Cove Family Park ti

Bala indai benung posing 

Enggau Miss Zety Unge

 enda jauh ari Sentubung ke alai warga menua Kuching bejalai lebuh maya kemisi tauka ujung minggu. Kami sebilik pan enggau nguji neresa menua tu ngichaka kena ngelari ke diri ari pengerichah Bandaraya Kuching.

Penyauh endur tu ari bandaraya Kuching kiraka 40 minit pejalai. Sepemanjai jalai kitai tau bayam pemanah rampa menua ke agi gadung ari kiba kanan jalai. Kitai mega tumpok kenturung pendiau benung digaga rumah ke tau dibeli warga bandaraya.

Zety Unge 

Endur tu bisi nyediaka alai ba Beque enti kitai deka ngaduka endur kena ngerindang malam. Kitai mega tau mai perengka kena berapi kediri empu. Bilik endur bemalam ba rega RM100 - RM150 semalam bisi disediaka ngusung kitai ke deka bemalam. Endur alai nembiak bemain bisi, tang enda ulih endur bemain laban enda chukup dijaga ngujungka endur nya rusak.
Kami sebuat datai dia lalu ngaduka barbeque alai Apai Elly ngintu pangang sambil kami duai ke ngirup mimit malam nya.

Apai Elly benung Q

Cheers

Malam nya mega chukup sporting laban ti enda ujan sereta angin ke bepuput chukup ngelantang ke bala kami ke duduk ba ruai bepandukka utai pakai ke kena makai lemai. Bala sida ke indai nyi bekachapuh betundi enggau pangan diri. Aktivity tu tau dikumbai family get together ko urang agi pan nyerumba pengawa  Hari Wesak ke disambut hari siti ia.
Muak ke hari siti tumu pagi bala nembiak udah dani laban ti deka bemain ba pantai. Bala ka deka begambar laban ti rindu bayam pemanah rampa gunung sentubung lebuh dipeda tumu pagi sigi enda muai peluang.

Alex enggau HP enda tau jauh

Zety beperindang ba pantai

Kira jam 8.00am penatai mensia mayuh nyi nambah dipeda laban endur tu sigi tebuka ngagai orang mayuh. Urang ke bebaika anak mit sida ke bujang enggau dara sama mega bisi dipeda merindang diri bayam pemanah rampa menua.

Endur ti nitih ka sida ti bisi berandau enggau kami di empu SEDC lalu di urus ke syarikat ke dilantik sida ia. Endur manah endur datai bemalam enti kitai deka ngelarika diri ari pengingar bandaraya. Ulih tinduk jenak nadai dikachau munyi ingar. Kitai tau milih bilik ke nungga ngagai tasik ngambi ke dikerindangka munyi pangka ai tasik. Kami sebuat nembu ke pengawa merindang hati ba tempat tu kira jam 3.00pm lalu mulai ke diri ke Kuching. Ngantika ngatur pengawa family day baru komen aku ke endur tu sigi tau endar dilawa. Arapka pihak pengurusan endur tu ianya Lance Court ngemansangka endur tu lalu repair semua kemudahan ke bisi ditu.

Bala indai ka bisi datai lebuh tu tadi  

1 Rumah Panjai 1 Agent Reload

Taun 2017 diperatika raban 'economist' taun ti ngenataika pangka ke tau ngirauka penatai pemisi ruang bilik. Nama kebuah ba taun 2017 tu, kitai sama meda semua rega utai dipasar niki nyau deka lebih ari 20% ditambahka mega enggau caj GST 6% ke udah dipejalai ke perintah menua Malaysia diatu. Nya alai kitai mega patut ngiga jalai ngurangka pangka tu ba ruang bilik tiap iku kitai di rumah panjai enggau ba dini endur diau mega.


Pemasang dunya pemadah pan udah datai semak tauka udah nuntung rumah panjai enggau kitai ke diau di menua pesisir kelebih agi di ulu ai. Diatu kitai sama meda nyi deka tiap iku dalam ruang bilik bisi ngembuan telepon binching (hand phone). Reti nya kitai sekurang-kurang ia 'reload' hand phone RM10 dalam seminggu. Sida ke rebak baru rata-rata nemu ngena aplikasi Whatsapp, Face Book & ia kebukai mega. Nyadi tu semua begunaka 'line internet'. Lebuh ke deka ngisi reload telepon kitai enda tau enda ngiga kedai tauka egent reload ngambika ia ulih dikena. Sema ke leka jaku ti begunaka reload tengah malam pan kasak meh kitai deka ngiga endur ti ulih reload.
Enti kitai bisi siku Agent reload ba setiap rumah panjai tauka ba genturung pendiau bansa kitai dayak kitai enda ibuh begigaka ke reload ngagai kedai cina. Tambah mega kitai sama nulung  bansa diri, taja pan untung enda besai, begantung ba pemayuh peminta orang mayuh ke reload telepon, tambah mega kitai enda ibuh bejalai jauh meli reload nya tadi.
Pia mega dalam siti ruang bilik kitai endang ngembuan siti siku hand phone. Enti bisi 5 iku dalam sebilik 5 meh hand phone ba bilik nya. Deh anak mit pan di beli kitai. Siku ari ke tuai tauka ia nyadi pugu ngiga belanja pan tau register diri nyadi agent. Sekurang ia lebuhka reload tua pan bisi diskaun. Nyema ka jaku sekali reload RM10 kitai bisi diskaun 3% pan udah pama ari tua ka nadai diskaun terus. Enti 5 iku reti nya tua udah bisi diskaun RM1.50 seminggu. Ti sebulan reti ia RM6.00.
Bila kitai belematika angka nya amat ia mit agi meh tua meli ngena dikaun. Belanja kitai ke nurun tauka bejalai ngagai endur reload pan ulih di kurangka. Kitai mesti deka ngingatka pemedis napi rega minyak ke selalu betukar ninting bulan.
Nya alai aku deka bekunsi enggau kita kati chara kitai tau ngerejister diri nyadi agent reload. Ti kita meda ba internet tauka google mayuh. Tang kitai enda nemu kati chara sida nya bekerja. Kadang dalam masa setaun tau udah nadai agi. Nya kebuah kitai mesti bekaul enggau urang ka bisi penemu enggau pengelandik ba pengawa tu. Penerang mesti deka di temu enggau betul ngambika kitai enda kalat-kalat ngereja ia. Aku pecaya mayuh bansa kitai enda ngambi peluang ba pengawa reload telepon tu. Kelebih agi kitai enda berundingka ulih tauka enda urang kediri nyadi agen kena reload diri sebilik ngambika bisi diskaun? Utai tu nadai begunaka modal beratus tauka beribu.

Nama Kebuah kitai enda ulih.

Post ke nangkan ka tu aku bekunsi enggau kitai chara jadi agent reload tu. Kita tau kuntek aku nengah nombor HP 016-8885743 enti deka betanya sereta jadi agent.

Selamat Hari Malaysia

Gambar Pengias

Meri selamat hari Malaysia ngagai semua rakyat Sarawak, Sabah & Tanah Malaya. Arapka penyarakup mengkang tegap sereta kering ba kitai ke nguan menua Malaysia. Tajapan mayuh macham peyerekang enggau penemu ke enda tentu ulih dikamatka ke udah di bantai parti politik di menua kitai, arapka nya enda nekul pemansang ke rebak dudi hari ila. Buai meh hati ti kepapaska bansa diri mansang lalu tanamka hati ke sama-sama bebai ngemanah sereta mansang ke mua. Maju iban mansang Dayak sereta semua bansa di Sarawak & Malaysia. SELAMAT HARI MALAYSIA

Dunya Kemaya ari Tengau Kelita Nemukita

Gambar pengias Pemakai di Kedai Cina

Kitai selalu ninga mensia mayuh berandau ke pasal nurun niki mata duit ringgit, rega minyak, isu GST, 1MDB, isu politik, enggau rega barang makai ke majak niki ari sari ke sari. Ditu aku deka ngenang lalu mai kitai rayat di Sarawak ditu berundingka kuasa ke bisi ba kitai ti tau kena kitai mesak rega barang makai enda kelalu balat niki.

Bala pakar ekonomi selalu nyebut utai ke dikumbai "Demand" enggau "Supply". Dalam pengidup kitai besari-sari kitai enda ulih lari ari meli pemakai tauka utai ke di empa ari pasar kedai cina. Reti nya utai ke diguna kitai ia ke enda tau enda besari-sari "Keperluan Asas/basic needs". Ketegal peminta ti tinggi tang sida ke ngeluarka utai ti kedeka kitainya kurang ngasuh rega utai nya mar.

Kitai bansa bisi tanah ke endur tau alai kitai betanam sereta betupi ke jelu, ulih ngetanka rega pemakai ari terus di tiki ke peneka ati ulih sida ke bejual.

Mayuh jaku ke semuba didinga ba arus internet tauka 'social network' diatu ngasut kitai ngasuh nganu sida ke merintah menua, kelebih agi sida pati politik ngaduka chara nagang sida ke bejual barang ari nyual rega ti mar sereta nekan rayat. Utai tu utai ke mar di adu enti kitai rayat mayuh enda ngambi bagi enggau perintah menua nagang ia ari terus ngelakai lalu nyadi ke penyakit ekonomi ba kitai ke rayat.

Nama kebuah pia enti rega utai bedau ba takat ke menya, kati ko sida ke betanam betupi deka ngelaku sereta nyual hasil sida ia? Ditu meh perintah menua tau ngambi bagi ngaga atur ba takat ni pemayuh untung ke tau di adu tauka anang ngena orang ketiga masar hasil sida tu. Ari nya tadi bala rayat ulih meli ba rega ke patut ba tiap iku sida tu.

Nya tadi ba rega utai tanam enggau tupi ke dikeluarka menua kitai empu. Bah kati ko ia di datai tauka di import ari menua luar? Ditu baru kitai ngenang mata duit ringgit kitai ke udah jauh nurun enti dibandingka enggau mata duit US. Ba maya aku ke nulis tu US1 lebih kurang RM4.17 duit kitai. Enda semua utai pakai ke diguna kitai begunaka stok ari luar. Ditu kitai ulih bejimat tauka ke nyeliah ari meli utai ke ari menua luar.

Utai ke balat di asaika kitai diatu lebuh kitai ke ngirup ba kedai kopi (Cafe) regi ai segelas rata-rata RM1.80. Bah kat ko nya enda berasai mar ba kita? Ba aku mar tu. Ditu meh kitai mayuh, rayat ulih ngena kuasa kitai ngambika rega utai tu enda terus niki. Minyak pan udah nurun rega tang utai irup sereta pakai kitai ba kedai kopi enda nemu nurun-nurun. Deka madah kopi, gula, tusu, milo enggau macham ai bukai ke di irup kitai nya ukai di beli ari menua luar. Nama kebuah ia terus niki?

Kena meh kuasa kitai ke nyadi "Pengguna" ngurangka bebelanja ba kedai kopi. Enti sida ngasaika orang majak kurang ngirup ba kedai ia, nya baru sida nemu lalu sigi deka nurun ke rega utai ke dijual ngagai orang mayuh. Indah ke dua tiga bulan ia kurang penguntung pan tau ngemediska sida mayar sewa enggau pekerja sida.

Perundingka meh ngambika ke rega utai enda terus mejal kitai mayuh. Agi mayuh utai bukai ke deka beguna belanja sereta duit besari-sari.