Biau angkat Engkerawai Ngemasangka bansa

Credit to
Anthony William

Tr. Dayak Frontline@Ngerandang Jalai

Gambar Pengias

Mupuk begadai muka jalai, ari mit sampai besai, ngambi bekal bai pulai, singkang lubah enda beguai,

Anang bejaku aja wai
Bisi ari limpang datai
Ngambi mimit penemu kitai
Tanah Temuda tau ka tembawai

Dunya mansang jauh singkang
Anang tinggal ari orang
Diatu nadai jalai muntang
Semua ngena penemu magang

Aram sampal datai kitu
Kitai berandau lalu bejaku
Pengawa bukai tinggal dulu
Mending penemu Adat diatu

Bala tuai anang ngarap
Laban sida udah tetingkap
Bejaku semina kutap kutap
Nusui jerita lalu mapap

Ambis menua nadai rega
Kena jalai ngapus ka bansa
Diatu Adat enda dikelala
Jauh agi angkun ka menua

Tegal duit wang ringgit
Utai besai sama ngerit
Semua tuju mina duit
Ngasuh kaya kaki beluit

Tegal politik balat charut
Ngasuh dunya pangka ribut
Bala nembiak enda mabut
Angkat ngelaban enda takut

Umbas kitai di emba uban
Aram kitai angkat ngelaban
Dini alai tanya menalan
Biar danjan kami ngenan

Aram kitai sama bejalai
Sama tuju sigi begulai
Nadai utai enda alah pegai
Enti kitai angkat engkrawai.